Antona un Aleksandra Ārmaņu folkloras vākums

0263-Brali-Armani-04-0011
AtšifrējaSandis Laime
Pabeigts
Pārbaudīts
Labots2022-11-24 17:40:50
Atšifrējums

2886

Ka ap pyupolu dīnu rati pyupoli, nabyus pupu, zierņu goda, ka bīzi, byus lobs zierņu, pupu, vika gods.

2887

Pārkiuņa laikā navar sviļpuot: ka dīvs struodoj, cylvākam juotsapyuš, navāg Valna dorbus struoduot.

2888

Daudz kas ir redziejs dabasu durovys atsataisomiās. Krīvu Palageika napaseņam redziesia dabasu durovys atsataisomiās: paspeidiejs brīsmeigs spūdrums.

2889

Pret soltym laikim zīmā ir radzama zīmeļu bluozma.

2890

Mienesī ir puiss ar zoru nostu. Ness svādiņ zorus, par tū tagad jau vusu myužu juozamūkuos, juonas zori.

2891

Zam soltumu mienešam ir rogi iz augšu - zīmā.

2892

Senuok miaitys catūrdīnis vokorus naspriādia. Tys skaitiājās bluča vokors. Miaitom beja juosiād iz bluča, juotpyutynoj rūkys (tulaik krāslu nabeja, siādiāja iz bluču). Bluča vokors beja maitu svadiņa, lai atpyutynuotu sovys rūkys nu gryutuo dorba.

2893

Dziaļviādiaŗa ir lykta nu dīva pic iudiņa plyudu par zeimi ka vaira iudiņa plyudu nikod ziamis viersā nabyus.

2894

Kotram cylvākam ir sova zvaigzņa. I dīvam beja sova. Cikam cylvāks dzeivoj, cikam juo zvaigzņa pi dabasu karinej. Kei cylvāks mierst, tai nūkreit juo zvaigzņa. Nav vusim cylvākim vīnaidys sīrds, nav zvaigzņis vīnaida spūdruma.

2895

Zamuok saraksteituos tautys gora montys teicia Krīvu Marteņa Kristeņku dzeraunī, Nautranu pog., septeņdesmit godu vacu, ragaņa. Jei i patia tuo nanūlīdz, ka prūt. Bet stuostiāt gon nalobpruot jei stuostiāja.

2896

Ka gūss asni meizna. Duorzūs aug zuoleitis smolkim, baltim zīdeņim kei maureņš. Tū vāg lūpim dūt dziart. Lūpim asņa aptureišonai dzyrda sorkonuos bolūdeitis.

2897

Ka asni slauc nu bezdeleigys, voi ļaunu cylvāku, vāg pīnu proslaukt car lauloimū gradzynu 3 raizis voi krystā iz kuoju nogu.

2898

Gūviai navar dūt slauktivis ūšņuot, ka pīūšņoj, to pīns stīpās. Navar dūt dūviai [gūviai] dzyrys ar pīnu, lai pīns nasastīptūs. Ka pīns stipās vāg izlaukt gūvi i dūt pīnu vieršam paūšņuot, tūlaik pīns nazastīpās (ka nu vusu cīču pīns stīpās).

2899

Pret čiuškys kūdumu veigrīškom ličej. Tiuleit kei ciuška īkūž vāg izraut veigrīšku, ar sakni aprībt kūdumu i otkon īstatiāt veigrīšku vacejā vītā.
Atšifrēt tekstu
Atslēgvārdi
AtšifrētIzvēlies cituBiežāk uzdotie jautājumi

Šī vietne izmanto sīkdatnes, lai uzlabotu lapas lietojamību un optimizētu tās darbību. Turpinot lietot šo vietni, Jūs piekrītat sīkdatņu lietošanai lulfmi.lv digitālajos resursos. Uzzināt vairāk.