Latviešu folkloras krātuves garamantas.lv Literatūras, folkloras un mākslas institūts UNESCO Latvija | UNESCO Latvijas Nacionālā komisija

Alberta Dambinieka folkloras vākums

AtšifrējaAnna9
Pabeigts
Apstiprināts
Labots2019-10-10 11:07:17
Atšifrējums

119

118. Aiz kū lela, aiz kū plota,
Aiz kū plota platejūs:
Aiz gudrō teirumeņa,
Aiz lelō teirumeņa.

120

119. Steidžu, beidžu rūžu dōrzu
Bez raseņas izravēt,
Lai es varu sovu myužu
Bez osoru nūdzeivōt.

121

120. Dūd, mameņ meiteņom
Seikstus lynus, boltu vylnu,
Seiksti lini, bolta vylna
Ceļ pyureņu augstumā.

122

121. Jau sauleite nūrītēja
Tautu drēbes velejūt,
Sit rūceņu ap rūceņu,
Lai skan zalta gredzenteņi,
Lai skan zalta gredzenteņi,
Lai dzērd muni brōleleņi
Lai dūd dryuksti tautīšam
Kam mōseņu maldynōja.

123

122. Aizteci muna Laimeņa
Uz pus tautu teirumeņa,
Lai kōjeņu naīsper
Asareņu palteņā.

124

123. Tōļi, tōļi es redzēju
Zaļu rudzu teirumeņu,
Kab man tur nūleigōt
Uz tū rudzu teirumeņu.

125

124. Žāloj Dīvs, žāloj Laime
Mōte vaira nažāloj,
Sokōs mōte atdavuse
Žālōtōja rūceņā.

126

125. Nasaver brōleleņ
Tu sevim ļaudaveņu,
Ni krūgā, ni tērgā,
Ni svātāi bazneicā,
Veris lynu driveņā,
Lynu dryvas maleņā.

127

126. Aizsmoka munys kakleņis
Ni ādūti, ni dzerūt:
Ar tautomi borūtīs,
Brōlileņus mīrynūt.

128

127. Vysas dzīsmas izdzīdōtas
Tāva dzīsma nadzīdōta,
Kad īsēžu komonōs,
Tod dzīdōju tāva dzīsmu.

129

128. Pyura dēļ zogt nagōju
Tautu dāla naraudoju,
Kad pyureņu pīdarēju,
Tod panōču tautu dālu.

130

129. Tautas lelas, es bej' moza.
Sokōs maņa sagaideit:
Dzer yudini, grauz akmini
Tod tu mani sagaideis,
Pērc peirāgus, dzird ar veinu,
Tod tu mani izaudzēs.
Atslēgvārdi

AtšifrētIzvēlies citu