Collection of N. Rancāns Primary School

File
1542-N-Rancana-pamatskola-01-0011
TranscriberAnna Putāne
CompletedYes
AcceptedYes
Created2023-03-05 23:50:20
Updated2023-04-05 17:50:44
Transcription (text)

116

Kam mameņa tu audzēji,
Zaļu bērzi pogolmā;
Tautas jōja sēteņā,
Es gulēju dīndusī.
Ej mameņa slēp kauneņu,
Sok maņ' rūžu dōrzeņā;
Sok maņ' rūžu dōrzeņā,
Maganeņas revejūt.
Dailus puškus puškojūt,
Boltus vylnōneišus kaltejūt.

117

Es brōleiti lyugtiņ lyudzu,
Sēj zam lūga kanepeites;
Tautas jōja pogolmā,
Es pa lūgu kanepēs.
Es tautom atsacēju
Kanepēs stōvādama.

118

Ļaudaveņa mōmuleņa,
Globoj munu capureiti;
Kai es tovu vainadzeņu,
Vysu myužu paglobōju.

119

Jōjit tautas uz manim,
Maņ ir loba ļaudaveņa
Zērņa zīda skaistumā
Izkapteites osumā.

120

Pļaunit sīnu kam vajaga,
Maņ sīneņa navajag;
Es aizīšu tauteņōs,
Ar vysom teleitem.
Teleitem pūra zōle,
Maņ tei svešō mōmuleņa.

121

Oj, Dīveņ, augši saule,
Kod vokora dagaidēt;
Oj, Dīveņ, borgas tautas
Kod myužeņu nūdzeivōšu.

122

Oi, Dīveņ, golva sō,
Ar mugoru navarēju;
Kū aršona, ecēšona,
Kū uz meitom staigōšona.
Tymsā naktī suni rej,
Gaišā dīnā ļaudis redz.

123

Kura tāva tys dēleņš,
Stuņdinīki kārmanā;
Kura tāva tei meitiņa,
Zamša cymdi rūceņā.

124

Gonūs gōju, kraklu šyvu,
Pi stymbyna mērēdama;
Svešai mōtei taidi dāli,
Kai stymbyni saauguši.

125

Es naīš' pi tō tautīša,
Kam sprūgōti motu goli;
Kam sprūgōti motu goli,
Tys osoru dzārōjeņš.

126

Kas nu tovas doncōšonas,
Ka ar kōji nadasit;
Kas nu tovas bučōšonōs,
Ka nav lobas mīlesteibas.

127

tī zyrgi, kō tī roti,
Pi bazneicas durovom;
Dīva zyrgi, laimes roti,
rineites vedējeni.
Transcribe text
Keywords
TranscribeChoose another fileFAQ (in Latvian)

We use cookies to improve your experience on our website. By browsing this website, you agree to our use of cookies. Read more.

Tēzaurs